Coronavirus: Estado Peruanop qullqiwan yanapaykuna haywasqanmanta tapukuy

Kay yanapaykunan kachkan:

• Bono para hogares en condición de pobreza o pobreza extrema: Sichus 380 soleswan yanapayta chaskiwaq chayta tapukuy, kay yanapayqa mast’arikamun wasi ayllukuna llakipi tarikuqkunapaq.
• Bono independiente: Sichus 760 soleswan yanapayta chaskiwaq chayta tapukuy, kay yanapayqa mast’arikamun paykunallapaq llamk’aqkunapaq, wasi ayllunkunapas Sistema de Focalización de Hogares (SISFOH). Nisqapaq mana wakchahina nitaq sinchi wakchahina kaqkunapaq.
• Bono rural: Sichus 760 soleswan yanapayta chaskiwaq chayta tapukuy, kay yanapayqa mast’arikamun Allpa llamk’aq, wasi ayllukuna wakcha kaypi utaq sinchi wakcha kaypi tarikuqkunapaq.
• Subsidios para empresas generadoras de empleo: Sichus empresaykiwan llamk’ay paqarichiq kanki chayqa, llapan llamk’aqniykikunaq sueldomanta sapanka pachakmanta kimsa chunka pisqayuqwan yanapasunki, anchay yanapayta chaskinaykipaqqa llamk’aqniykikuna renta de quinta categoría nisqapi kananku hinallataq sueldonkuna mana 1500 solesta wasap’ananchu, chayhina kaptinqa qillqachikuy chay yanapakuyta chaskinaykipaq.
• Bono Familiar Universal: kay yanapayqa 760 solestan aypachin, chaytaqa huk wasi ayllumanta chaskiqmanmi haywanku. Chaskiqqa sapanka wasi ayllumanta akllasqa runam, paymi mayqin kasqanta riqsichikuspa chay yanapayta chaskin.
• Líneas de apoyo económico: Ministerio Cultura nisqa lliw runakunapaq yanapaykunata churaykun, chay yanapaykunaqa llaqtakunaq kawsayninkunamanta llamk’aqkunapaq, t’aqwiqkunapaq imán, chaymanta llaqtakunaq qhapaq kawsayninku uywaqkunapaqpas.
• Bono 600: Sichus 600 soleswan yanapayta chaskiwaq chayta yachay, kay yanapayqa llapallan Perú suyuntinpi kawsaq runa masinchikkunapaqmi ichaqa iskay qatiqpi Coronaviruswan sasachakuypi tarikuqkunapaqmi.
• Yanapay: Sichus 350 soleswan yanapayta chaskiwaq chayta yachay, kay yanapaytaqa Estado Peruanon wakcha kaypi tarikuqkunata kallpachanapaq, hinallataq programa Juntos, Pensión 65 utaq Contigo nisqapi kaqkunapaqmi mast’arimun.