Discriminación étnico-racial nisqa imayna kasqan
Discriminasqa karuspayki imayna willakuyta mana yachankichu chayqa, kaypim yachanki imayna rurayta. Yuyanaykim, wakillantam kaypiqa qawachisunki, qamqa sapaqtapas akllawaqmi.
Discriminasqa karuwaq chayqa, mañakuwaqmi willakuyta Servicio Orienta nisqantakama, Estadopa mayqin wasinmanpas allin denunciata churanaykipaq.
- Hukniraqtahina qaway: Afroperuano llaqtamanta kaq yachakuqta, trenzas africanas nisqawan kaptinmi nin, yachaywasiman mana chayna rinanpaq, mamataytanmi willananku karqan manaraq matriculachkaspa nispanku.
- Ñawpa yachaykunapa rurayninta harkakuy: Llaqtaykipa ñawpa tusuynintam huñunakuspa tusunkichik, chaymi distritoykipi kamachiqkunapa minkarikuyninta yachaspa actividades oficiales nisqapi chay llaqtaykipa tusuyninta tusuyta munankichik. Kamachiqkunam mana munankuchu, millayta rimaspanku, yachayniykichikta hinataq riqsichikuyniykichiktapas mana chaninchankuchu.
- Mama simiykipi, riqsichikuyniykipi yanapayta mana munaynin: Estadopa wasinkunapi kaq kamachiqkunaman asuykuptiyki, mama simiykipi yanapayta mana munasuptiyki, mana allin rimayninwan riqsichikuyniykita pisinchaspa.
- Asipayaykuna, hukkunapas runa allquchaq: Televisiónpi utaq programa digital nisqapi, yanqa yachaykunawan, sutinchaykunawan, rikchayninkuta mirarichispanku, yachayninkumanta asikuspanku, afroperuano runakunamanta asikunku.