Discriminación kaptin riqsichinaykipaq canales de atención nisqakuna
Discriminasqa karuspaykiqa, Estadopa achka wasinkunamanmi riwaq, maypi karusqanmanhina.
Discriminación étnico-racial
Discriminasqa karuspaykiqa, plataforma Alerta contra el racismo nisqantam willakuwaq. Kaypim yachachisqaykiku mayqin autoridadkunaman denuncianaykipaq chaymanta, estadopa huk wasinkunawan rimanakunqaku psicólogo qawasunaykipaq hinataq abogadopas yanapasunaykipaq, imayna kasqanta qawaspanku.
Llamkaykunapi discriminación kaptin
Sector privado nisqapi llamkaspayki discriminasqa karuspaykiqa, asuykuwaqmi Sunafil nisqaman. Estadopaq llamkaspaykiqa, denunciawaqmi llamkasqaykipi chaypaq kaq oficinakunapi.
Yachaywasikunapi discriminación kaptin
Yachakuq kaspayki yachaywasipi discriminasqa karuspaykiqa, kaykunapim denunciawaq:
- Estadopa yachaywasinkunapi kaptin: Ministerio de Educaciónman, plataforma Sí Se Ve nisqantakama.
- Privados nisqa yachaywasikunapi kaptin: Indecopiman.
- Universidadkunapi kaptin: Sunedu nisqaman
Qatuna wasikunapi utaq mikuna wasikunapipas discriminación kaptin
Restaurantekunapi, estaciones de servicios nisqakunapi, taksa utaq hatun qatuna wasikunapi discriminasqa karuspaykiqa, Indecopimanmi asuykunayki.
Yachanaykim Perú suyupiqa discriminaciónqa hatun hucham, artículo 323 del Código Penalpa nisqanmanhina. Discriminación karuptinqa denuncia penaltam churawaq Ministerio Público nisqaman asuykuspayki utaq hichpanpi comisaríaman rispayki.