Sistema de Focalización de Hogares (SISFOH)
Esta página también está Disponible en Español
Kaqniykiman Atiyniykimanhina Akllasqa Kasqaykita (CSE) mañakuy
SISFOHpa wasi ayllukunap padronninpi kanaykipaqqa, wasi aylluykimanta kaqniykichismanta atiyniykichismantahina t’aqasqam kanaykichis. Chay t’aqayniyuq mana kankichu chayqa tiyasqayki municipalidadpi Unidad Local de Empadronamiento sutichasqa oficinaman rispa wasi aylluyki chay akllachikuyman yaykunaykipaq mañakunayki.
ULE sutichasqa oficinaqa municipalidad distrital hinallataq provincialpipas tarikunmi, chaykunan kaqninkuta atiyninkuta qhawaspa (CSE), wasi ayllukunata t’aqa t’aqapi qillqanku chaymantapas Ministerio de Desarrollo e Inclusión Social (MIDIS) nisqaman chay wasi ayllukunap akllasqanta willamun.
Imakunatan hunt’anayki
Wasi aylluykip kaqninman atiyninmanhina akllasqa kanaykipaqqa ULE sutichasqamanmi apanayki:
- Wasiykipi tiyaqkunapa DNI nisqata apanayki.
- Wasiykimanta unumanta, luzmanta recibo pagasqaykita apanayki, maypachachus chaykuwa kan chayqa.
ULE nisqapi mañakuspa hunt’anayki:
- Mañakuyniykimanta huq qillqayta s100 sutiyuqta mañakunayki
Modalidad: Presencial
SISFOH nisqapi Empadronachikuy 3 ruraypi:
1. kaqniykiman Atiyniykimanhina Akllasqa Kasqaykita (CSE) mañakuy
Qampa CSE nisqata mañakunaykipaq tiyasqaykipi municipalidadman ULE sutichasqa oficinaman rinayki chaypi mañanakunayki CSE nisqata hinallataq s100 sutiyuq qillqayta quchikunayki. chay qillqayta hunt’achinayki hinaspa wasi aylluykikunamanta DNI nisqatawan unumanta, luzmanta recibo nisqakunatawan aypachinayki.
Wasi aylluykimanta mayqinpas, chunka pusaqniyuq watanmanta wichayman kaspaqa chay mañakuytaqa ruwallanmanmi.
2. Municipalidadniyki watukamusunaykita suyay
CSE nisqa mañakuqkuna wasi ayllukunata municipalidad watukamunqa, anchaypin imaymana tapukuykunata rurakuspa Ficha Socio Económica única sutiyasqata hunt’achinqaku, chaytataq Dirección de Operaciones de Focalización sutiyasqa oficinaman apachipunqaku, chaywanmi wasi aylluykip kaqninman atiyninmanhina akllasqa kanqa. Ichaqa, manam llipin wasikunachu watukusqa kanqa, chayraq paqariq wawakunayuq wasikuna CSE nisqayuq kaqkuna, kaqllataq yunkamanta wasi ayllukuna ñawpa llaqta ukhupi tarikuqkunatapas (kamachikuykuna nisqanmanhina). Tapurikuy imaynatan qunku CSE nisqata yunka ukhupi tiyaqkunapaq.
Mañarikusqankumanhina empadronamiento rurakamunankama tapurikuyta atiwaqmi imayna chay mañarikuyniyki kachkam chayta SISFOHpa telefononmán: (01) 6318000 chaymanta mayqin kay anexota: 1750,1780, 1717,1756 yupaymanpas lunesmanta vierneskama 8:30 tutamanta 5:30 inti yaykuykama utaq qillqaspa tapukuwaq kay correo electrónico ukhunta: sisfoh@midis.gob.pe.
3. Kaqniykiman atiyniykimanhina akllasqa kasqaykimanta
Mañakusqaykimantapacha kaqniykiman, atiyniykimanhina akllasunaykipaqqa (CSE), mana sabadota, domingota, nitaq feriadokunata yupaspa, yaqa iskay chunka pisqayuq llamk’ana p’unchawpin (25) qumusunkiku. Kay p’unchawkuna, SISFOHpa padronin mana qhawarikuta atikuchkanchu.
Kunanpachaqa, kay yanapayqa allinchakuypin tarikun. Qhawayta atiwaqmi sichus mayqin bonos por el estado de emergencia por COVID-19.