Mana qullqipaq SISman qillqachikuy

Esta página también está Disponible en Español

Imayna kasqan

Kay seguro de saludqa Estadop haywarikusqanmi, Perú suyupi tiyaq runakuna mana qullqillawan, Perú suyup lliw hampina wasinkunapi qhawachikunankupaq utaq hampichikunankupaq. Kay seguro de salud nisqawanqa chunka iskayniyuq waranqa (12 mil) unquykunamantan qhawachikuwaq hinallataq hampichikuwaqpas, chay unquykuna ukhupin tarikun cancermanta unquykuna, pisi riqsisqa unquykuna ima.

Kay mana qullqipaq SISqa mana huq seguro de salud kaqniyuqkunapaqmi, wakchakunapaq, ancha wakchakunapaq, unqukuq warmikunapaq, manaraq pichqa wata hunt’aq irqikunapaq, bomberokunapaq iman. Mana qullqipaq SIS nisqapiqa qillqachikuwaqmi hayk’a watayuq kaspapas.

Chaninniyuq

Lliw SIS nisqakunaqa (Mana qullqipaq, Llapallan runakunapaq, Munaq runapaq, Llamk’ayninkuta paqarichikuqkunapaq (NRUS) hinallataq Microempresa nisqapaq).

Yanapasunki, hampina wasi ukhupi hampichikunapaq, kurkuta astapunapaq, coronaviruswan wañuqpa kurkunta kanapunapaq utaq p’ampapunapaq.