Piyotakotantyarori onkantayetari kebeantsi
Piñakotakarika inkebeanayetakempi irokea te piyotakotero pinkantakayerori kejabentantsi, timatsi shiyamatarori pamenabakeri piyotakonentantyarori.
Piyotakotero oinijakotachari sankenapana intaini pamenashityaro piyotantanakeari pinkantakayerori abishimotakempiri.
Piñakotakarika inkebeanayetakempi, onkametsati pinkamitakotante amitakotantsi onkantira Servicio Orienta yamitakoyetantyampiri piyotantyari pinkantakayerori denuncia pinkejabentantyari.
- Te yakametsayetero: Yotantsipankokira, ebankaro obameniteri, te ishineyetero ampitaishitya oinijakotara ametari irotakera afroperuano, ikanteriro te ishinayetanteji aka colegio aisati ashijanitarorira inkamantitakearome obakerani imatirikorayetantakarori.
- Terika inkobajeite oinijakotya iyotane acharienite: Pakakotirorika pinampiteki beshireantsipe pashisanojeitari irokea, pinkenkitsatakakeri jebabentirori distrito, piyotakakeri ari poinijakoterori pameyetari otimakerika kimoshiretantsi iroperosanotatsiri. Irikea meka jebabentirori nampitsi ikantajeitanake te ojiperotya pameyetarira.
- Terika iñanayetantyampiro piñaneki: Pijatashiteririka jebabentirori antabetatsiri antabetantsipanko ashi Estado, irokea te iñanatantyampiro piñaneki, ikantajeitanake te ojiperotya pameyetarira.
- Itsinampantirika, ishirontibentantirika irorika pashinipe: Ishitobakoterika ara televisión irorikampa interinetakotatsiri ijiyetiri programa digital, ishiyamampeari nampitsisati afroperuano, itsinampamintsatiri aisati ishirontibentitari yameyetari iriori inkantabetara.