Afiliarte al SIS Gratuito

Esta página también está Disponible en Quechua

Mana qullqipaq SIS nisqapi qillqachikuy

Kay mana qullqipaq SISqa mana huq seguro de saludniyuqkunapaqmi, wakchakunapaq, ancha wakchakunapaq, unququq warmikunapaq, manaraq phichqa wata hunt’aq irqikunapaq, bomberokunapaq iman. Mana qullqipaq SIS nisqapiqa qillqachikuwaqmi hayk’a watayuq kaspapas.

Requisitos
  • DNIniyuq utaq carnet de extranjería nisqayuq kanayki.
  • Padrón General de Hogares nisqapi sutiyki qhillqasqa kanan.
  • Mana wak seguro de salud nisqayuq kanayki.

Modalidad: Online

Qallarinaykipaqqa kaytam yachanayki:

Qammanta willakuykunata hunt’achiy. Correo electrónicoykita qhawaykuy chaymanmi huq código nistaqa apachimusunkiku. Tukupunaykipaqtaq chay código nisqata qillqay.

SIS nisqapi qillqachikuy

Kay qillqachikuytaqa Whatsappninta, llaqtaykipaq mayqan celularpa yupay kasqanman, willakuyta apachispa rurakunmanmi, utaq sis@sis.gob.pe. nisqa correoman willakuyta apachispapas. Kay willakuypiqa sutiykita, DNIniykip utaq carnet de estrangeria nisqap yupayninta iskaynin uyantapas phutuspa apachinayki, celularniykiq yupayninta hinallataq maypi tiyasqaykitawan churanayki.

Huk ruraytaqmi kanman Asegúrate e Infórmate nisqa aplicacionta celularniykipi urayachispa. Chaypi “afíliate al SIS” nisqata kichaspa qammanta willakuykunata hunt’achiy. hinamantaq, yaqa chunka minutomantahina, correo electrónico ukhunta huq willakuyta apachimusunkiku.

Modalidad: Presencial

Tawa ruraypin qispichinki:

1. Oficina de registro nisqaman asuykuy

Oficina del SIS nisqaman riy.

2. Qammanta willakuykunata qhawariy

Qampa DNInikita, mayqinkunatachá wasi aylluykimanta SISman qillqachiyta munanki paykunap DNIntawan hayway. Manam wasi aylluykikunaqa, paykuna kikinqa, qhillqachikuq rinankuchu. Qillqaqñam chayta qhawaykuspa hunt’anchus manachus chayta willasunki maypachus lliw mañakusqanta hunt’anki chayqa SISman qillqasunki. Qillqaqqa willaqusqayki chanin qasqan qhawarinanpaq wak tupukuykunata tapusunkimanraqmi.

Yuyariy, SISpi qillqachikuyqa mana qullqillapaqmi.

3. Hampichikunaykipaq hampina wasita aqllanankupaq

Maypi kunan pacha tiyasqaykita willakunayki chaymanhina Hampichikunaykipaq hampina wasita aqllapusunkiku. May hampina wasipicha nisunkiku chayllapin hampichunayki, ichaqa sinchi sasachakuypi tarikuspaqa mayqan peru suyuntinpi hampina wasipipas hampichikullawaqmi. hampina wasipi unquyniykipaq mana hampiq kanqachu chayqa wak hampina wasimanmi apachisunkiku.

4. Seguruykita puririchiy

Qillqachikusqayki p’unchawmantaqa hampichuyta atiwaqñan.

Modalidad: PIAS

Kimsa ruraypi qispichinki:
1. PIAS Embarcacionman riy

Tawantin (4) Plataformas Itinerantes de Acción Social (PIAS) nisqamanta mayqinkaqmanpas riy, kay plataformakunaqa cuencas amazónicas, Morona, Napo, Putumayo mayukunapim suchuchkan (Loreto).

2. Qillqachikuy

Plataforma ukhupi kaspaqa, SISman qillqachikunaykipaq DNIniyta haywariy. DNIniyki mana kaptinqa chaypipunin urquruwaq.

3. Hampichikuy

Ima unquymantapas hampichikunaykipaqqa chayllapin hampiqman aparqusunkiku.