Discriminación kaptin yanapachikuy willakuykunata mañakuspa
Discriminasqa kaspayki utaq rikuwaqpas chayqa, yanapachikuwaqmi willakuykunata mañakuspa plataforma Alerta Contra el Racismo del Ministerio de Cultura nisqaman yaykuspa.
Kay plataformapim chaskinki willakuyta, discriminación kaptin denunciata imayna allin churanaykipaq, chaypaq kamachisqa estadopa wasinkuna allinta qawanankupaq. Chaynataq, estadopa huk wasinkunawan rimanakunqaku psicólogo qawasunaykipaq hinataq abogadopas yanapasunaykipaq, imayna kasqanta qawaspanku.
Willakuykuna churasqaykiqa allinmi kanqa, Ministerio de Cultura huñuspan suyunchikpi racismo, discriminación kasqanta riqsichinanpaq hinaspa políticas públicas nisqa allinchakunanpaq.
Kay discriminaciónkuna kaptinmi denunciawaq:
- Estadopa wasinkunapi kaptin: chaypi llamkaq yanapayta mana munasuptiyki, mana allinta yanapasuptiyki utaq yanapasunaykipaq imatapas mañasuptiyki, mana imata nispa utaq estadopa wasinkunapi yanapasunki imayna kawsakuyniykita mana qawaspanku, chayna kaptinmi sasachakuyman churasunki utaq mana aypankichu estadopa yanapayninta; kaynapi, mama simi rimakunaykipaq derechoykita harkaspa.
- Rimaykunawan kirinchay: pipas asipayaptin, racista nisqa rimaykunata niptin, Estadopa wasinkunapi, huklawkunapi utaq redes sociales nisqakunapi, uyanpa llimpinta qawaspa, mama simi rimasqan rayku, imayna rimaynin, imayna kawsakuynin kasqanraykupas.
- Maqay kaptin: pipas waqtasuptiyki, takasuptiyki, haytasuptiyki, tanqarparisuptiyki, hukkunatapas rurasuptiyki, uyaykipa llimpinta qawaspa, mama simiykita rimakusqaykirayku, imayna rimakusqaykirayku, imayna kawsakuyniykitapas qawaspan.
- Yachakunapaq utaq llamkanapaq derechokuna qipanchay: pipas, mayqin yachaywasiman rinanta mana munaptin, sasachachiptin utaq yachakuy tukunanta qulluchiptin hinataq becakuna utaq huk yanapaykuna kaqkunatapas; uyanpa llimpinta qawaspa, mama simi rimasqanrayku, imayna rimaynin, imayna kawsakuynin kasqanraykupas. Chaynallataq, munasqan llamkapakuyman yaykunanta hinataq allinman llamkayninpi chayanantapas mana munaspan, sasachachispa.
- Expresiones culturales nisqa: pueblos indígenas u originarios, comunidades andinas, amazónicas, población afrodescendiente utaq huk llaqtakunapas, ñawpa yachayninkuta, rurayninkuta, actividad cultural nisqata utaq riqsichikuqnin ruraykunata pipas mana munaptin hinataq sasachachiptin.
- Derechos humanos: imakunapas, discriminación kaptin, runakunapa derechos humanos y libertades fundamentales nisqata mana yupaychaptin.
Mañasqan
- Teléfonopa yupanta utaq correo electrónicota willakuynin qatipaymanta willananpaq.
Modalidad: Online
Manaraq qallarichkaspa, yachanayki:
Plataformaqa tuta punchawmi kichasqa, sapa punchaw. Riqsichikuyniykita churay hinataq ima imayna karusqanta qillqaykuy. Munaspaykiqa, fotokunata, vídeokunata utaq documentokunatapas churawaqmi willakusqaykita chiqapchanapaq. Tukunaykipaq, Guardar niqpi ñitiykuy.
Kimsa (3) llamkana punchawpim, Ministerio de Culturamanta especialista rimamusunki, chay willakusqaykimanta tapupasunaykipaq hinataq willasunki imakuna ruranaykita.
Tapukunaykipaq mañakuyniykita apachiwaqmi kay correoman qillqaspa servicioorienta@cultura.gob.pe riqsichikuyniykitam churanayki hinataq imaynam discriminación nisqa karusqanmanta. Chaynallataq, Ministerio de Culturapa redes sociales nisqakunaman yaykuwaqmi: Facebook, X (antes Twitter) utaq Instagram.
Modalidad: Presencial
Kay kimsa (3) ruraykunawan:
1.Willakuyniykita qillqay
Willakuyniykita chuyachata qillqaykuy. Churanki riqsichikuyniykita, maypi yachasqaykita hinataq teléfonoykipa yupanta. Willakuy imatapas mana qunqaspa. Fotokuna, vídeokuna utaq documentopas kaptinqa churaykuy.
2. Willakuyniykita apay
Ministerio de Cultura, sede central nisqapi mesa de partes nisqaman asuykuy, kaypim kachkan avenida Javier Prado Este 2465, San Borja, Lima, lunesmanta vierneskama 8:30 achikyaymanta 4:30 chisiykuykama utaq suyunchikpi mayqin oficinas de las Direcciones Desconcentradas de Cultura nisqaman hinaspa qillqasqaykita documentokuna apasqaykitawan qunki.
3. Kutichimuyninta suyanki
Willakuyniykitaqa especialistam chaskispan allinta qawanqa. Willapaykunaykiraq kaptinqa, paymi qayamusunki yachapaykunanpaq. Willakusqaykimanhinam, nisunki ima denunciapaq kasqanta.
Modalidad: Teléfono
Hazlo en 1 paso:
1. Llama a la línea de atención
Llama desde tu celular a la línea gratuita 1817, de lunes a viernes, de 8:00 a. m. a 8:00 p. m; sábados y domingos, de 8:00 a. m a 1:00 p. m e indica tu reporte. Un especialista te indicará los pasos a seguir.