Iskay kaq salam votanallapaqña saqirun 30 constitucional mañakuykunata

Tumpaq hinallataq amachaq abogadokunapa rimariyninta uyariykuspankum, Tribunal Constitucionalpa Iskay Kaq salan ukupi, magistradokuna votanallapaqña saqirunku 30 constitucional mañakuykunata.

Huñunakuymi qallariruqa 10 achikyay pacha Amparo mañakuywan, N° 00519-2019-PA/TC expedientewan, kaywanmi Rodrigo Pinto Salas amachakuyta mañakuchkan Pacífico Vida Compañía de Seguros y Reaseguros S. A. empresapa contranpi.

Audienciapim, magistradokuna tapupaykunku allin tantyayta qispichinankupaq, votanallapaqñam saqirunku 17 Amparo mañakuykunata, 07 hábeas data mañakuykunata hinallataq 06 cumplimiento mañakuykunata Arequipa, Ayacucho, Huancavelica, Junín, La libertad, Lima, Loreto hinallataq San Martín llaqtakunamanta apachimusqankuta.

Iskay kaq salatam umallichkan magistrado Gustavo Gutiérrez Ticse, huñunakullachkankutaqmi Francisco Morales Saravia hinallataq Helder Domínguez Haro magistradokuna

Sapa kuti hinam audienciata qawarachimuniku “Tribunal Constitucional TV” hinaspapas internetnintakama.