Contraloriapa Qatipay Yachanapaq Yachay Wasinpi yachay

Esta página también está Disponible en Español

Yachaykuna kallpanchay Qatipay Yachanapaq Yachaywasipi

Qatipayta Yachanapaq Yachaywasitam (ENC castilla simipi) Contraloría General de la Republica kallpachan, chaypim warmi, qari llamkapakuqkunapa yachayninta suniyachinku qatipaq sistemapi llamkapakuqkunapata, llaqtayuqkunatapas yachachillankutaqmi 3 programakunapi rakinasqa: control gubernamental, gestión

pública hinallataq formación complementaria yachaykunapi.


Kunanmi, virtual yachaykuna ñawparichkan, yachakuqkunapa yachayninta aswanraq suniyachinapaq, kaynatam yachanku:

a) Tinkunakuy pacha clasespi yachay:

Clasestam yachachiqkuna qispichinku yachakuqkunawan kuska tinkunakusqanku pacha, Zoom llikantakama, kuskachasqa uraspi. Kayna yachaykunawanmi yachakuqkuna tinkunasqa urasninpi clasesta uyarinku.

b) Virtual yachay mana qullqillapaq

Yachaykunam kan mana qullqillapaq, yachakuqkunapa tienpon kasqanman hina yachanankupaq.

Ichapas 14 notapa hanayninman urquspankuqa, S/30.00 qullqitam pagananku certificadonkuta chaskinankupaq.

c) Kikillan yachakuq

Virtual yachaykunam yachakuqkuna kikillankumanta yachanankupaq, mana yachachiqllawan, lliw semanam tuta punchaw yaykuyta atinkuman. Hinallataqmi, videokunatapas qawankuman, siqisqa willakuykunata, qillqakunatapas ñawinchanankupaq.

Suyuntinpi Qatipayta Yachanapaq Yachaywasim profesionalkunata kallpanchachkan.

ENC yanapasunki profesionniykipi kallpanchakunaykipaq, chaypaqmi kan Maestría Control Gubernamentalpi hinallataq qipa profesionniykipi especializakunaykipaq Control Gubernamental yachaykunawan, ley kamachisqanman hinam gradokunata hinaspapas titulokunata qispichinku SUNEDU wasiman; Kimsa kaq Disposición Final nisqanman hina Ley Yº 27785 (Sistema Nacionalpa Ley hinallataq Contraloría General de la Republicapa)

Yachaysapa yachachiqkunam kan, yachaysapa yachakuqkunapas kallantaqmi, yachayninkutam kallpanchanku Qatipay Semanakunaman lluqsispanku, hawa suyumanta Master Classwan, qatipaypaq Coaching, huk yachaykunawanpas.

a) Gubernamental Qatipaypi maestría.

Yachayninkutam kallpanchanku musuqyasqa proyectokunawan gobiernokunapaq qatipaykunata awparichinapaq EFS ukupi, hawa suyukunamanta kamachiykunata yuyaymanaspa llaqtayuqkunapa kawsayninta allinman puririchinapaq, kay ruwaykunawanmi Control Gubernamentalpi Maestroman qispinku.

Suyuntinpi Qatipay Sistemapi llamkapakuqkunapaqmi, estadopi llamkapakuqkunapaq hinallataq lliw

runakunapaqwan, requisito aypaqkunapaq.

b) Gubernamental Qatipaypi qipa especializakuy

Yachaykunatam ñawparichinku, especialisasqa yachaykunata gobiernokunapa llamkayninta qatipanapaq, chay

yachaykunawanmi Titulota chaskinku Especialisasqa Profesional hina Gubernamental Qatipaypi, kay yachaykunam kan Suyuntinpi Qatipaq Sistemapi llamkapakuqkunapaq, requisitokunata aypaqkunapaq.

Yachakuqkunapaq hinallataq llaqtayuqkunapaq yachaykuna:

ENC Qatipay Yachanapaq Yachaywasim yanapakuyta qun yachakuqkunapaq hinallataq llaqtayuqkunapaq, mana qullqillapaqmi kallpanchanku yachayninkuta hinallataq profesionninkuta:

Extracurricular yachaykuna: conferenciakuna, magistral charlakuna, llamkanakuna, seminariokuna hinallataq

tallerkunatapas ñawparichinku mana qullqillapaq, chay yachasqankumantam electrónico constanciakunata qunku.

Biblioteca ENC: Kaypim achka maytukuna kan, rapipi qillqasqa hinallataq digital qillqasqa, yachaykunata willakuykunatawan chiqirichinankupaq, aswanraq gubernamental qatipaykunapaq hinallataq gestión pública yachaykunapaq. Chay hinallataqmi, virtual bibliotecapas kallachkantaq.

Escuela Nacional de Controlman yaykuy

Hamuq willakuymi castilla simipi qawanapaq.

Modalidad: Online

Certificadokunata hinallataq constanciakunata chiqaqyachiy: Qatipay Yachanapaq Yachaywasipi yachaptiykiqa, constanciaykita utaq certificadoykita qatipaykuwaq kaypi