Programa Contigo nisqamanta qullqiwan yanapayta chaskiy
Esta página también está Disponible en Español
Maypachachus Programa Contigo Ministerio de Desarrollo e Inclusión Social (MIDIS) nisqapi qillqachikusqa tarikunki utaq wasi aylluykimanta such’u, ñuk’u, mana rimaq makiykipi kachkan, hinallataq wakchayaypi kawsachkan chayqa, pensión no contributiva del Estado nisqamanta qullqiwan yanapayta chaskiwaqmi.
Kay yanapayqa S/ 300.00 soleswanmi, sapa iskay killapim kaytaqa chaskikunqa, kay yanapayqa mayqinchus wasi ayllumanta such’u, ñuk’u utaq mana rimaq kaspa sasachakuypi kawsachkan chaypa kawsaynin allin puririchinapaqmi.
Maypachachus kay yanapay chaskiq wawallaraq, hinapas mana qullqi chaskina wasiman utaq Banco de la Nación nisqaman mana chayayta atinchu sasachakuypi kasqanrayku chayqa kay autorización de cobro sutichasqatan wak kuraq runaman qunam qullqiwan yanapayta chaskipunanpaq.
Imakunatan hunt’anayki
- Qullqiwan yanapay chaskiqqa padrón de usuarios del Programa Contigo sutichasqapin tarikunan.
- Qullqi yanapay chaskiqpa DNI nisqa utaq such’u, ñuk’u, mana rimaq sasachakuypi tarikuqpa.
Modalidad: Presencial
Iskay puriypi rurarquy:
1. Municipalidadniykipi OMAPED oficina sutichasqaman riy
Tiyasqayki municipalidadpi, Oficina Municipal de Atención a la Persona con Discapacidad (OMAPED) sutichasqapi Qampa utaq such’uq, ñuk’uq utaq mana rimaq wasi aylluykiq DNI nisqata rikuchiy. Chaypin willasunkiku Programa Contigo nisqapi qillqachisqachus kachkanki manachus chayta, chayqa sapa iskay killan riqsichikun.
2. Qullqiwan yanapayta chaskiy
Maypachachus sutiyki utaq mayqan wasi aylluykimanta sutin qillqachisqa kachkan chayqa, tiyasqaykip qayllanpi, agencias del Banco de la Nación nisqakunapi qullqiwan yanapayta chaskiwaqmi.