Ñawpaq kaq kutipi DNI mañakuy

Imayna kasqan

Ñawpaq kaq kuti DNI Perú suyupi runakuna mañaqakunankupaqqa kaykunatan rurananku. Chunka qanchisniyuq (17) watayuq kaspa DNI nisqayuqña kaspaki Renovación de DNI nisqatam mañakunayki, kasqanllatataq caduco nisqa kaptin. Munasqaykimanhina kimsa (3) DNI nisqakunan kan: (Q’illu) DNI sullk’akunapaq, (Anqas) DNI convencional nisqa hinallatqmi chunka qanchisniyuq (17) watayuq kuraqkunapaqmi DNI Electrónico (DNIe) nisqan kallantaq.

Sullk’akunapaq (q’illu) DNI

Sichus churiyki, ususiyki utaq uywasqayki wawapas ch’usaqmanta (0) chunka suqtayuq (16) watayuq kanmanhinaqa. Sullk’a kaqkunapaq (q’illu) DNIyta mañakuytan atiwaq. Kay mañakuytaqa maman, taytan, utaq uywaqin rurayta atinmanmi. Sullk’a DNI chaskisqanqa llapan kawsaynin pachatan yupayninqa kasqallanpunin kapunqa.

(Anqas) DNI convencional nisqa

Chunka qanchisniyuq (17) watayuq kaspayki utaq astawanraq, kuraq watayuqpaq anqas DNItan chaskiytaqa atiwaqmi. Isqun wata pachan kay DNI kawsayninqa. Anqas DNIyuq manaraq chunka pusaqniyuq (18) watayuq kasparaq chaskiqkunaqa, manam elecciones nisqapiqa akllayta atinkumanchu, kuraq watayuq kanqahinaraqmi, número de mesa de votación nisqan payllamanta rikhurimunqa.

DNI Electrónico (DNIe) nisqa

Sichus chunka qanchisniyuq (17) kuraq watayuq kawaqhinaqa, DNI Electrónico nisqatam mañakuyta atiwaq chaywanmi kikiyki rispapas internetmanta haykuspapas kikinchayniykita risichiyta atinki. Anqas DNI rantinpiqa DNIe nisqan chaywanqa electrónico nisqa qillqasqakunatan digitalmente nisqatan suti siq’i churaytan yanapasunki hinallataq wasiykimanta pacha internet ukhunta utaq oficinapi aktakunata,qillqasqa raphikunata utaq certificados de inscripción nisqata ruraytaqa atiwaqmi.