Coronaviruspaq vacuna churachikusqaykimanta carnetniykiman aypay
Esta página también está Disponible en Español
Imayna kasqan
Perú mama suyupi Coronaviruspaq vacunata chaskiptiykiqa, Plataforma nisqapi hinallataq Ministerio de Salud nisqap aplicativo Carnet de Vacunación nisqanpi qhawayta atinki. Kaypi ima p’unchaw hinallataq maypi vacunakusqayki, chaymantapas mayqan vacunata chaskirqanki, paqarichiqpa hinallataq lote nisqa yupaynin ima qillqasqam tarikun.
Modalidad: Online
Manaraq qallarichkaspa, kaykunata yachanayki:
Mañakusqanmanhina allinta willayniykikunata taripachiy: mayqan kaq hinallataq riqsichikunaykip qillqa yupayninta chaymantapas hayk’ap paqarisqaykimanta. DNIta akllaspaqa Reniec qhipa kaq documentoyki qusqasuykimanta hayk’ap paqarisqan yupayninta churanayki.
Sullk’ap taytanña, mamanña utaq huk sullk’achata uywaspañaqa, consultar carnet de menor a cargo nisqapi ñit’iykuy, vacunankuna churachikusqanta qhawanaykipaq.
Ver código QR nisqa t’aqata akllaptiykiqa:
Certificado nisqapi ñit’iykunkihina, computadoraykipi utaq celularniykipipas waqaychayta utaq ñit’ichiytam atiwaq.
Escanear el código QR nisqapi ñit’iykuspa, celularniykipi carnetniyki rikhurimunqa hinallataq archivohinata utaq ñit’ichispa waqaychayta atiwaq.
Hinallataq, aplicativo nisqata apaqayta atiwaq hinaspa celularniykipi instalanayki sistema operativo Android utaq sistema operativo iOS nisqawan carnet de vacunación digitalman yaykuyta atinaykipaq.
Plataformaman utaq aplicativo nisqaman yaykuspa, vacunakusqaykimanta dosisniykikuna manam k’apaqchu qillqaynin kaptinqa, vacunakusqaykipi hampina wasiman chimpaykuy, vacunachikusqaykimanta kikin carnetniykita apaspa, hinallataqmi establecimiento nisqapi llamk’aqkunaman sistema nisqapi willakuyniykikunata allinchapunasuykita mañakuy; utaq plataformaman utaq aplicativo nisqaman yaykuy hinaspa registro vacuna Coronavirus nisqapi ñit’iykuy mañakunapaq hinaspataq mañasqamanhina willakuykunata k’apaqta yapaykuy.
Hawa suyupi vacunachikurqankihinaqa, carnetniykita hinallataq kikin qillqasqa raphita waqaychay imaraykuchus plataforma nisqaqa vacuna willakuy certificananpaqqa manam ima qillqasqa raphitapas qukunchu.